Tîma me ya Neteweyî, di lîstika xwe ya dawîn a Koma D ya Kasa Cîhanê ya FIFA 2026'an de, yek ji welatên mazûvan DYA'yê 3-2 têk bir û bi serkeftinê xatir ji tûrnûvayê xwest. Di pêşbirka ku li Stadyuma Los Angelesê ya li bajarê Inglewood ê eyaleta Kalîforniyayê hat lîstin de, golên tîma me ya Heyv û Stêrk di deqîqeya 10'an de ji aliyê Arda Güler, di deqîqeya 31'ê de ji aliyê Orkun Kökçü û di deqîqeya 90+8'an de ji aliyê Kaan Ayhan ve hatin avêtin. Golên DYA'yê jî di deqîqeya 3'yan de ji aliyê Auston Trusty û di deqîqeya 49'an de ji aliyê Sebastian Berhalter ve hatin tomarkirin.
Wezîrê Ciwan û Werzişê yê Komara Tirkiyeyê Dr. Osman Aşkın Bak, Wezîrê berê yê Ciwan û Werzişê û Parlamenterê Îzmîrê Dr. Mehmet Muharrem Kasapoğlu, Serokê Federasyona Futbolê ya Tirkiyeyê Îbrahim Ethem Hacıosmanoğlu û Endamên Lijneya Rêveberiya TFF'ê pêşbirk ji tribûnê şopandin. Di lîstika din a komê de ku li Stadyuma San Francisco Bay Area hat lîstin, Paraguay û Awistralya bê gol wekhev man. Piştî van encaman, Awistralya tevî DYA'yê derbasî qonaxa 32'an bûn.
