Bi pêşengiya Kurdistan Foundation (Saziya Kurdistanê), cilûbergên neteweyî yên Kurdî cara yekem e ku di çarçoveya Rekorên Cîhanî yên Guinnessê de bi fermî hatin tescîlkirin.
Di Festîvala Cilûbergên Çandî yên Kurdî de ku li Navenda Ciwanan a Hewlêrê hat lidarxistin, zêdetirî 500 jin û mêrên ku ji herêmên cihê yên Kurdistanê hatibûn, bi cilûbergên xwe yên herêmî û kevneşopî beşdar bûn.
Rêvebira Têkiliyên Giştî ya Kurdistan Foundationê Sakar Omer, derbarê çalakiyê de daxuyaniyek da û weha got: “Di dîrokê de cara yekem e ku cilûbergên neteweyî yên Kurdî di qeydên Guinnessê de cih girtin. Ji niha û pê de, her kesê ku bixwaze vê rekorê bişkîne, divê hejmara beşdaran a ku me bi dest xistiye derbas bike. Armanca me ev e ku em nasnameya resen a cilûbergên Kurdî bidin jiyandin û wê bi cîhanê bidin naskirin.”
Di çarçoveya festîvalê de, ne tenê cilûbergên kevneşopî yên herêmên cihê yên Herêma Kurdistanê, di heman demê de cilûbergên Kurdî yên taybet ên Rojhilat, Bakur û Rojavayê Kurdistanê jî hatin pêşandan.
جلوبەرگی نەتەوەییی کوردی بە فەرمی چووە ناو پەرتووکی ڕیکۆردەکانی گینەسەوە
