Serokkomarê Tirkiyeyê Tayyip Erdoğan derbarê Îsraîl û Rojhilatê Deryaya Spî de daxuyanî dabû û Serokwezîrê Îsraîlê Binyamin Netanyahu bersiv da van gotinan.
Erdoğan di merasîma Xelatên Heyva Sor a Tirk de axivî û bersiva Netanyahu da. Erdoğan, Netanyahu wekî "serokê şebekeya qirkirinê" bi nav kir û got: "Yên ku di rêya Hitler de diçin, dê dawiya wan jî mîna ya wî be. Ew ê zû yan dereng hesabê xwîna ku rijandine bidin.
Gotinên Netanyahu:
"Dîktatorê antîsemîtîk Erdoğan ê ku li dijî Kurdan qirkirinê dike, piştgirî dide rêxistina terorê ya Hamasê, zilmê li gelê xwe dike û rikberên xwe yên siyasî dixe girtîgehê, kesê herî dawî ye ku dikare di warê exlaqê de dersê bide Dewleta Îsraîlê. Dewleta Îsraîlê û artêşa herî bi exlaq a cîhanê Hêzên Parastina Îsraîlê (IDF), dê li dijî Îran û hêzên wê yên wekîl ku herêmê û hemû cîhanê tehdîd dikin, bi biryardarî û bi hêz gavan biavêjin.
 |
| "Di sala 2023yan de dema ku Serokkomar Erdogan Serokwezîrê Îsraîlê Netanyahu qebûl dikir |
Wezareta Derve: Pisporê Qirkirinê Netanyahu Nikare Sûcên Xwe Veşêre
Daxuyaniya Wezareta Karên Derve ya Tirkiyeyê jî bi vî rengî ye
Sûcdarkirinên bêbingeh, provokatîf û nepandî yên li dijî Serokkomarê me, tenê hewldana Netanyahu û şirîkên wî yên sûc in ku dixwazin raya giştî ya navneteweyî bixapînin. Derewên ku pisporê qirkirinê Netanyahu ji bo veşartina rastiyan bikar tîne, nikarin berpirsiyariya sûcên wî yên giran veşêrin.
Wekî Tirkiye, em ê bi zimanê herî zelal anîna ziman a rastiyên derbarê Netanyahu û hevkaran de bidomînin. Em ê bi biryardarî xebatên xwe berdewam bikin daku ew li pêşberî meqamên dadwerî yên navneteweyî hesabê van kiryarên ku hiqûq û nirxên mirovî binpê dikin, bidin