Serdemeke Nû: Cara Yekem 48 Tîm Tên Balyevgerandin
Parzemîna Amerîkaya Bakur (DYA, Meksîko û Kanada), malvaniyê ji herî fireh û mezin a dîroka futbolê re dike. Kûpaya Cîhanê ya FIFAyê ya 2026an, ku di dîrokê de cara yekem bi hevparîya 3 welatan û dîsa cara yekem bi beşdariya 48 welatan tê darxistin, bi firtoneya heyecanê ya ku dê 6 hefteyan bidome, îro bi fermî dest pê dike. Ev tûrnûvaya mezin dê di 19ê Tîrmehê roja Yekşemê de, bi lîstika fînalê ya li Stadyûma New York New Jerseyê xwediyê xwe bibîne
Perdeya Vekirinê li Mexico Cityyê Tê Rakirin
Kêfa pêşîn a tûrnûvayê, di Koma A de di navbera yek ji malovanan Meksîko û Afrîkaya Başûr de tê lêdan. Ev rûbirûbûna mezin a li Stadyûma dîrokî ya Mexico Cityyê ku cih dide 83 hezar temaşevanan, dê bi dema Tirkiyeyê (TSİ) di saet 22.00an de dest pê bike û dê li ser ekrana TRT 1ê zindî were weşandin. Ev stadyûm di dîroka futbola cîhanê de cara 3yemîn malvaniyê ji lîstika vekirina Kûpaya Cîhanê re dike û rekorekî ku zehmet e bê şikandin datîne. Berî lîstikê jî, di serî de Shakira û Burna Boy, hunermendên navdar ên cîhanê mîna J Balvin û Tyla dê derkevin ser dikê û şahiyeke mezin a muzîkê pêşkêş bikin
Dîroka Kûpaya Cîhanê û Klûba Şampiyonan
Kûpaya Cîhanê ya ku cara yekem di sala 1930an de li Uruguayê hat darxistin, ji wê rojê ve qada herî bi prestîj a futbola gerdûnî ye. Di 22 tûrnûvayên ku heta îro li pey xwe hiştine de, tenê 8 welatên bextewar karîbûn vê kûpayê bibin muzeya xwe:
Brezîlya (5 Caran): Tîma herî serkeftî ya dîroka tûrnûvayê ye û yekane welat e ku beşdarî hemû tûrnûvayan bûye. Almanya û Îtalya (4 Caran): Du dêvên Ewropayê ku herî nêzîk li pey Brezîlyayê tên. Arjentîn (3 Caran): Bi unwana şampiyonê tûrnûvaya dawî (2022) dê di vê tûrnûvayê de hewl bide unwana xwe biparêze Fransa û Uruguay (2 Caran): Welatên ku bi ekola xwe ya futbolê navê xwe di dîrokê de nivisandine ngîltere û Îspanya (1 Caran): Welatên ku vê kêfxweşiya mezin tenê carekê tam kirine.
Rojname
