Di maça duyemîn a Koma E ya Kûpaya Cîhanê ya FIFAyê ya 2026an de, Almanyayê bi gola di deqeyên dawî de Fildîşa Diranfîl bi 2-1 têk bir. Her çend Almanyayê li Stadyuma Torontoyê maç bilez da destpêkirin jî, Fildîşa Diranfîl di deqeya 30an de bi gola Kessie 1-0 ket pêşiyê.
Almanya di nîveka duyemîn de vegeriya lîstikê. Di deqeya 68an de, bi navendkirina Amiri, Deniz Undav rasterast li topê xist û encam kir 1-1. Di deqeya 82an de lîstikvanê Fildîşa Diranfîl Wilfried Singo ku di Galatasarayê de dilîze, birîndar bû û ji lîstikê derket. Almanyayê ku di deqeyên dirêjkirinê de tansiyon bilind kir, di deqeya 90+4an de gola serkeftinê dît. Undav pasek ji Nmecha girt, bi zivirînekê top şand tora golê: 2-1. Bi vê encamê Almanyayê pûanên xwe derxist 6an, Fildîşa Diranfîl jî di 3 pûanan de ma.
Deniz Undav Kî ye?
Deniz li Almanyayê ji dayik bûye û zarokê malbatekî Kurd e ku ji gundê Qewasê (Işıklı) ya navçeya Wêranşara Rihayê (Şanlıurfa) çûne Almanyayê. Kalikê wî, piştî zextên derbeya leşkerî ya 1980yî koçî Almanyayê kiriye
Rojname