Siyasetmedar û nivîskar Altan Tan li ser guhertin û koka navê bajarê Diyarbekirê daxuyaniyeke girîng da û nîqaşeke nû da destpêkirin. Tan bal kişand ser dîroka bajêr û got ku ev der zêdetirî hezar salan e wekî "Diyarbekir" dihat naskirin, lê di Mijdara 1937an de piştî serdana Mustafa Kemal, navê bajêr bi awayekî seyr hat guhertin û kirin "Diyarbakır".
Altan Tan di daxuyaniya xwe de rexne li neteweperwerên Kurd jî girtin û diyar kir ku ew ji peyva "Diyarbekir" aciz dibin, ji ber ku ev nav ji eşîreke Ereban (Bekir bîn Vaîl) tê. Tan anî ziman ku ji bo ji bîr kirina vê navî, peyva "Amed"ê derxistine pêş, lê di vir de jî şaşiyeke mezin heye. Li gorî gotina Tan, koka vê peyvê "Amît" e û di qonaxên berê de di zimanê Sûriyanî de wekî "Omît" derbas dibe; yanî ev nav rasterast bi kurdî û Kurdan re ne têkildar e
Rojname
