Li ser Halk TV'yê di saetên serê sibehê de operasyona polîsan hat kirin; di çarçoveya vê operasyonê de ji bo 17 kesan ku di nav wan de Serokê Desteya Birêveberiyê Cafer Mahiroğlu jî heye biryara desteserkirinê hat dayîn, ji bo kanalê qeyûm hat sipartin û weşanên wê hatin rawestandin. Kanala ku di 10ê Çileya 2005an de ji aliyê karsazên nêzîkî Deniz Baykal ve hatibû sazkirin û di sala 2020an de ji aliyê Cafer Mahiroğlu ve hatibû kirîn, di dema çalakiya Gezi Parkê ya sala 2013an de bi weşanên xwe yên zindî yên bênavber naskirina xwe zêde kiribû. Halk TVya ku di sala 2023an de hemû peymanên wê yên bi CHPê re hatibûn betalkirin, di 26ê Sîrana 2025an de ji ber gotinên di bernameya Sansürsüz de bi sedema "teşvîqkirina gel ji bo kîn û dijmaniyê" ji aliyê RTÜKê ve bi piranîya dengan cezayê 10 rojan ê rawestandina weşanê xwaribû.
Rojname
