Karbidestên DYAyê ragihandin ku Dewletên Yekbûyî yên Amerîkayê û Komara Îslamî ya Îranê, bi armanca bidawîkirina şerê ku nêzî çar meh in berdewam dike, memorandûmeke lihevkirinê bi awayekî dîjîtal îmze kirine.
Li gora zanyariyên ku ji aliyê berpirsekî DYAyî ve hatine parvekirin, ev memorandûm ji aliyê Serokê DYAyê Donald Trump, Cîgirê Serok JD Vance û Serokê Meclîsa Îranê Mihemmed Baqir Qalîbaf ve hatiye îmzekirin
Cîgirê Serokê DYAyê James David Vance daxuyand ku peymana di navbera DYA û Îranê de duh bi awayekî "dîjîtal" hatiye îmzekirin. Vance destnîşan kir ku ev peyman ji bo pêşîgirtina li avakirina bernameya navokî ya Îranê ye. Her weha Vance anî ziman ku heger Îran berpirsiyariyên xwe yên diyar bîne cih, ew ê bikaribe bigihîje fona avakirinê ya bi qasî 300 milyar dolarî ku ji aliyê welatên Kendavê ve tê fînansekirin