Di Rapora Pêşnûmeya Tirkiyeyê ya sala 2026an de ku ji aliyê Parlamendoya Ewropayê (PE) ve hat amadekirin, banga lêzêdekirina Wezîrê Dadê Akın Gürlek li lîsteya mueyîdeyên Yekîtiya Ewropayê hate kirin. Parlamenderan îdîa kirin ku li Tirkiyeyê serxwebûna darazê xera bûye, daraz wekî çekeke siyasî tê bikaranîn û Gürlek çi di dema dadgeriya xwe ya berê de çi jî di pêvajoya wezîrtiya xwe de di navenda van dozên siyasî de cih girtiye û ji ber vê yekê daxwaza mueyîdeyên aborî yên wekî cemidandina mal û milkên wî kirin. Wezîrê Dadê Akın Gürlek jî bertekeke tund nîşanî van îdîayan û hewldana mueyîdeyê da û bal kişand ku Tirkiye dewleteke dadê ya serbixwe û serwer e. Gürlek diyar kir ku li ser pêvajoyên darizandinê yên berdewam, li dijî şexsê wî tohmetên bêbingeh hatine kirin û da zanîn ku raporên PEyê jixwe metnên siyasî yên şêwirmandiyê ne û ev gav wekî "hewldaneke pûç" bi nav kir.
Rojname
