Partiya Gel a Komarî (CHP) piştî biryara dadgehê ya "betalkirina mutleq" (mutlak butlan) di nav aloziyeke mezin de derbas dibe. Ev dabeşbûna kûr, îro li Enqereyê di merasimên cejnê de bi eşkereyî xwe nîşan da. Li bajêr du bernameyên cuda yên cejnpîrozkirinê hatin lidarxistin ku ev yek nîşaneya dualîbûna serokatiya partiyê ye
Hevalbendiya Mansur Yavaş û Özgür Özel
Özgür Özel, ku bi biryara dadgehê ji kursiyê serokatiya giştî hatibû xwarê, îro li herêma Güvenparkê bi hezaran alîgirên xwe re hat bal hev. Şaredarê Enqereyê Mansur Yavaş jî di saet 14:00an de ligel Özel çû Serokatiya Bajarê Enqereyê ya CHPê. Ev gava Yavaş wekî piştgiriyeke herî mezin a ji bo eniya Özel hat nirxandin
Dirûşmên li Dijî Kılıçdaroğlu: Bi deh hezaran kesên ku qad tije kiribûn, piştgiriya xwe ya ji bo Özgür Özel anîn ziman. Di heman demê de girseyê li dijî Kemal Kılıçdaroğlu, ku bi biryara dadgehê cardan bûbû serokê CHPê, dirûşmên nerazîbûnê berz kirin.
Ev rewş nîşan dide ku her çend hiqûq û dadgeh serokatiya fermî dabe destê Kılıçdaroğlu jî, li ser textê kolanê û dilê girseyan de şerê man û nemanê yê Özel û Yavaş berdewam dike
Rojname
