Li Tetwanê Şeva Jinan û Muzîkê: Di Festivalê de Dengê Tara Mamedova û KASEDê Dexist

---

Di çarçoveya 58'emîn Festîvala Çand û Hunerê ya Tetwanê de ku li navçeya Tetwana Bedlîsê tê lidarxistin, şevek taybet û jibîrnekirî hat jiyîn. Roja 7'ê Tebaxa 2026'an di festîvalê de hemû bername û konser ji bo jinan hatin veqetandin.

Wêne Tara Mamedova

Çalakiyên vê rojê ku ji aliyê Komeleya Çand, Huner û Edebiyatê ya Jinan (KASED) ve hatin organîzekirin, li ber kinarê Gola Kraterê ya Nemrûdê bi konsera gruba erbaneyê dest pê kir. Nîvro û êvarê jî bi beşdariya hunermendên jin bername dewam kirin.

Di bernameya şevê de ku li qada çalakiyan a li keviya behrê hat lidarxistin, dengê xurt û resen ê muzîka kurdî Tara Mamedova û hunermend Mizgîn Turan derketin ser sehneyê. Tara Mamedova bi stran û performansa xwe ya li ser sehneyê guhdarên ku qad tije kiribûn guherandin cîhaneke din û coşeke mezin da nîşandan.

Rol û Erkê KASEDê

KASED ku di sala 2019'an de li Amedê ji aliyê komek hunermendên jin ve hatiye damezrandin, saziyeke serbixwe û sivîl e. Ev komele ji bo pêşvebirina çand û hunerê ya bi zimanê dayikê dixebite û ji bo jin û zarokan xebatên curbecur dimeşîne. Di nav çalakiyên KASEDê de van xalan cîh digirin:

Sazkirina kurs û atolyeyan di qadên muzîk, hunerên dîtbarî, drama û govendê de bi zimanê dayikê,

Perwerdehiya zimanê kurdî û atolyeyên li ser edebiyata kurdî,

Xebatên li ser mîrata çandî, komkirin û danasîna kinc û xemlên kevneşopî

Lidarxistina konser, pêşangeh, panel û gotubêjan ji bo ku xebatên çandî û hunerî bi zimanê dayikê bigehîjin hemû aliyan.

Di dirêjahiya festîvalê de jinên beşdar bi yek dengî û bi coşeke mezin timî dirûşma "Jin, Jiyan, Azadî" berz kirin. Roja ku ji bo jinan hatibû veqetandin bi vî awayî bi kelecan û coşeke dîrokî bi dawî bû.

Rojname

---