Şaredarê Bajarê Mezin ê Îzmîrê Cemil Tugay ji Partiya Gel a Komarî (CHP) îstifa kir. Tugay ku biryara xwe li ser hesabê xwe yê medyaya civakî ragihand, diyar kir ku biryarên daxistina ji endamtiyê (îhraç) yên ku rojên dawî li pey hev hatine girtin cihê fikarê ne. Tugay got: "Duh, li gel komek serokên parêzgehan, ji kar dûrxistina Serokê me yê Parêzgeha Îzmîrê, neheqiyeke mezin e ku li vîna siyasî ya Îzmîrê hatî kirin û şaşiyeke nayê qebûlkirin e."
Tugay destnîşan kir ku vîna siyasî ya ku ji endam û dengderên partiyê tê "bi hovîtî tê paşguhkirin" û diyar kir ku wî ji bo partî biçe kurultayê (kongreyê) îmze daye, lê belê ew têgihîştiye ku hewldanên wan di dema ku li bendê bûn de encam nedane.
Cemil Tugay got: "Ez ji dil bawer dikim ku hewcedariya welatê me bi Partiya Gel a Komarî heye ku ji her cûre kurgu, wesayet û manîpulasyonan dûr be û ji bo maf û refaha gelê me bixebite" û daxuyaniya xwe bi vî rengî bi dawî kir
Rojname