Di tûra yekem a hevdîtinên dîplomatîk de ku ji bo bidawîkirina şerê navbera DYA û Îranê tên kirin, pêşveçûnek mezin hat bidestxistin. Cîgirê Serokê DYA'yê JD Vance ragihand ku Îranê vegera mufetişên nukleerî yên navdewletî qebûl kiriye û danûstandinên ligel Ajansa Navneteweyî ya Rêveberiya Enerjiya Atomî (IAEA) ji îro pê ve dest pê dikin
Hat diyarkirin ku şandeyan di hevdîtinan de li ser mijarên wekî ji nû ve vekirina Tengava Hurmizê ji bo bazirganiyê û astengkirina şer ji bo pêkanîna agirbesteke herêmî axivîne. Çend saetan piştî vê daxuyaniya krîtîk, Wezareta Xezîneyê ya DYA'yê ragihand ku cezayên li ser neft û berhemên neftê yên Îranê heta 21'ê Tebaxê hatine rakirin
Katar û Pakistanên ku di navbera her du welatan de navbeynkariyê dikin, di daxuyaniyeke hevpar de diyar kirin ku aliyan piştî tûra yekem li ser "nexşerêyekê ku di nava 60 rojan de bigihêjin peymaneke dawî" li hev kirine.
Rojname
